No.92 Petung bab pakaryan(panupajiwa) maneh,kang cocog lan dhasare wateking bocah,murih nemu kabegjan miturut dina lan pasarane nalika lahir

No.92 Petung bab pakaryan(panupajiwa) maneh,kang cocog lan dhasare wateking bocah,murih nemu kabegjan miturut dina lan pasarane nalika lahir

Pangetunge mangkene: wetone dina lan pasaran kabanjurake tekan pendhak dina kaping 3,saka dina lahire bocah mau,yaiku mangkene:gunggunge neptu dina lan pasaran kagunggung,kabage 5,turah pira,yen turah 1,wiji wetan ,turah 2,wijih kidul,turah 3 wijih kulon,turah 4 wijih lor,turah 5(ceples utawa entek) wiji tengah,terange mangkene:

Saupama bocah lahire dina Jumuah Pon,

Jumuah Pon,neptune 6+7= Pendhak dina kapindho saka dina jumuah pon dina Jumuah kliwon,yaiku neptune 6+8= Pendhak dina kaping telu saka dina jumuah pon,tiba dina Jumuah pahing,yaiku neptu 6+9 =	13 14 15
Gunggung neptu dina lan pasaran	42
Neptu 42,banjur kabage 5 turah 2,yaiku wiji kidul Upama maneh:saupama bocah lahire dina ngahad legi Ngahad legi neptune 5+5= Pendhak dina kapindho,tiba dina akad pon,neptu 5+7= Pendhak dina kaping telu,tiba dina akad kliwon,neptu 5+8=	10 12 13
Gungung neptu dina lan pasaran Neptu 35 kabage 5 turah 5,(ceples utawa entek),yaiku wiji tengah	35

Mangkono sabanjure.

Dene watake wiji siji-sijine kaya ing ngisor iki:

Yen turah 1,wiji wetan,wijining kapriyayen,watek:1.sinome ingkang rinengga,wiji wetan kang darbeni hyang bathara endra lan putra dyah tara dewi,kuthanya kencanadi,kendraning samodra madu,peksinya atat kembang;ingon-ingoning narpati,kajengira nagapuspa rum kang sekar.2.Sembada warnanya endah,isen-isen tamansar,jalu tanapi wanita,yen wiji wetan kang jalmi,kabegjanira saking,suwita jalaranipun,wetuning sandhang pangan,saking pasihing gusti,kathat kedhik samurwate juga-juga.

Yen turah 2,wiji kidul,wijining sudagar,wateke:1.wiji kidul ginupta,dewanira kang darbeni,nenggih hyang bathara brama,lan atmaja dyah bremani,kithanira tembagi,kinubeng segara marus,manuke rang-urangan,telaten ngupaya bukti,datan wigih angusir mineng jro toya.2.Kayune ingas wataknya,sumuk lamun den aubi,wong wiji kidul sanadyan,lanang wadon kang jalmi,kabegjanira saking,amedagang cari untung,yeku kang dadya kasab,panggayuhing sandhang bukti,ing samurwat-murwat wijiling kabegjan.

Yen turah 3,wiji kulon,wijining kapandhitan,watake:1.Kang wiji kilen kinandha,kithanya slaka respati,kaendran jaladri pohan,ewanira kang darbeni,hyang mahadewa pekik,lan mahadewi sang ningrum peksine kuntul tansah,sabeng patirtan kang sepi,anarima met boga isining tirta.2.Kajenge wijayamulya.awingit sekarnya luwih,tuhu dadya srananing rat,yen wiji kulon kang jalmi,jaler estriya dadi,tetumal pamuwusipun,prasasat toya marta,amartani ing sesami,kabegjane mijil saking pamicara.

Yen turah 4,wiji lor,wijining patanen,watake:1.mangkaya wiji ler winarna,kithanira purasani,kinubeng sagara nila,dewanira kang ngrenggani bathara wisnuwarti,lan garwa dyah sri rum-arum,kayune asem dahat,silir ayem den aubi,oeksinira gagak waskiteng sasmita,2.Nora linyok ing wicara,lan malih awet nom yekti,lamun wiji ler punika,jali tanapi pawestri,kayane ulah bumi,gaga sawah anenandur,pala pendhem kasimpar,saklire kang pala dadi,iku ingkang dadi marganing kabegjan.

Yen turah 5,wiji tengah,wijining paugeran,watake:1.wiji tengah cinarita,kithanya sinilih asih,mas suwasa sinasotya,pratistha kendraning tasik,tirtanya manca warni,dewanira kang amengku,pamugarining dewa,nenggih hyang guru pramesthi,saha garwa parab hyang pramaiswara.2.Peksine ewata mulya,aluhur sabeng wiyati,wreksaya gurdha kamatyan,ayom pangauban jalmi,priya miwah pawestri,yen wiji tengah saestu,linulutan ing jalma,akathah begjane luwih,nora pilih ing samubarang pakaryan.