No.67 Yen bayi sumeng

No.67 Yen bayi sumeng

Yen bayi sumeng rama ibune padha ndilatana mbunbunane,epek-epeke karo pisan,lan dimakane uga karo pisan,anggone ndilati wiwit saka kiwa.Dene yen rewel kerep nangis,banjur ngidunga kaya ing ngisor iki:

KINANTHI

1.Yen nangis lare puniku,lela-lelalen anuli,supaya doh kang lalara,sarap sawane alari,tan wani anyedhakana,saking rohkmate Hyang widi.

2.Winaca puji iku,setan lumayu nggendring,sarap sawane anyimpang,panca baya pan sumingkir,kala-kalane akesah,datan wani amarani.

3.Pitik tulak pitik tukung,tetulake jabang bayi,situlak tunggu neng marga,situkung mangungkung ngarsi,cacing recek samya ilang,kruma kremi padha mati.

4.Ana kinjeng tangis mabur,amencok neng sela hardi,mireng tangise ki jabang,arsa njuwuk anjampeni,jabang bayi wis menenga,wes menenga,wis turua aywa nangis.

5.Sapa manglong-manglong iku apa sira maling sekti,ing lor kidul kulon wetan,den kongkon aguna maling,amburu si asu ajag,dipoma den konsi mati.

6.Maling aguna sireku,kalawan sibajing kikik,miwah si aji palampang,reksanen sijabang bayi mburu jinadha jantala,lawan sigumarang sapi.

7.Miwah siceleng demalung,tundhungen dimen angalih,yen wus nora katinggalan,sira balia den aglis,reksanen ingkang santosa,anakingsun jabang bayi.

8.Sawengi ajana turu,dimen adoh kang bilahi,sumingkir ingkang lalara,tan ana wanil nyedhaki,mulia aywa nggegawa,sijabang amales becik.