No.75 Tetambane wanita anggarbini(meteng)

No.75 Tetambane wanita anggarbini(meteng)

1.Yen anggarbini sasi tumeka 3 sasi,jejamune:dlingo,bengle,kunir,temulawak,sintok,mesoyi,cabe,bawang putih,kemukus,seprantu,lempuyang,godhong cukilan,kembang worawari bang,banjur kapipis,binanyonan,sapantese,kaombe.

2.Yen anggarbini 3 sasi tumeka 7 sasi,jejamua wejah,yaiku:godhong sinom,pupus dhadhap srep,pupus jambu kluthuk,pupus jambu dersana,bethonan nanas,godhong:meniran,sembukan,krema,temugiring,temu ireng,lempuyang,kunir,sawanan,keh sathitike sapantese,banjur kadeplok binanyoman sawatara,kasaring,banjur kaombe,yen arep kaombe kecerna jeruk pecel sathithik.jejamu mangkono iku ing saben dina ssenen,kemis.

3.Yen anggarbini luwih 7 sasi tumeka 8 sasi,ing saben dina senen,kemis,jejamua omben-omben kang ginawe saka:kayu legi sadriji didhedhegi,krikan secang pengaji saprapat dhuwit,banjur dikum nganggo leri bungkak watara 3 jam suwenen,banjur kaombe.Dene ing saben dina rebo lan sabtu,jejamu omben-omben kang ginawe saka: cabe 3 iji,lempuyang 2 rampang(grigih),kadeplok binanyonan sapantese,diuyahi sajimpit kan dikeceri jeruk pecel sathithik,kaudhak banjur kaombe.

4.Yen anggarbini ngancik 9 sasi,ing dalem seminggu sapisan jejamua sorog,yaiku:ketumbar sajimpit,godhong trawas ron glembar,seprantu siji,binuwang isine,jinten ireng sajimpit,jongrahab,ajar lan mesoyi sathithik,thothok mimi sacuwil,kulit urang kabakar sathithik,banjur kapipis,diuyahi lan binanyonan sapantese,kasaring,banjur kaombe.

5.Yen wis anggarbini ngancik 9 sasi,kajaba kasebut ing dhuwur,uga prayoga jejamua komplang,yaiku:temulawak saendhas jago diparut,banjur diperes diwoei lenga klentik ½ sendok teh,banjur diombe.Pangombene ana ing tengah lawang,sarta jamu mau pangombene diwadhahi godhong lumbu.

6.Lan uga yen anggarbini ngancik 9 sasi,uga luwih becik yen jejamua:cabe lempuyang dicampuri lenga klenthik kang isih anyar ½ sendok teh banjur kaombe.

Kajaba saka iku,longkane dina kanggo jejamu kang kasebut ing dhuwur mau,wiwit anggarbini nom tumeka tuwa,luwih prayoga yen uga jejamu kaya ing ngisor iki:

a.Kang karep ngombe cabe lempuyang,mung nganggo diuyahi sathithik.

b.Ngombe banyune godhoongan kacang ijo,ampase kadhadhar ug aluwih prayoga.

c.Dene kang dienggo boreh,yaiku:gagang suruh,didhedhegi dhisik lan kacang ijo digodhog,dicampuri lenga wangi banjur kaborehake ing padharan.

d.Yen anggarbini ora bisa mbebuwang kang samesthine,padharane tapelana:godhong semangka,godhog jarak ijo,godhog gandarasa,brambang,adas pulawaras,temu putih,dlinggo bengle,lempuyang,banjur kapipis nuli ditapelake ing padharan lan sakiwa tengene.